Deputeti Paulin Stërkaj ka reaguar ndaj Tom Doshit për prishjen e kullës së Prek Calit. Sipas deputetit del një deputet dhe e quan Calin gjysh për t’i marrë pronat për t’i kthyer në biznese.
“Prek Calin as nuk e zvogëlojmë dot as nuk e zmadhojmë dot, për të flet historia. Janë bërë procedurat ligjore. Por na del një deputet dhe thotë që do e bëjë 3 katëshe vilën e Prek Calit se ai ka lënë njerëz gjallë pas. Në vetem kemi ruajtur trojet e Prek Calit. Por duke i thënë se e kanë gjysh i marrin tokën dhe bëjnë bizneset e veta. Çdo thashethem atje nuk ka lidhje me figurën e tij por ka lidhje me trojet e tij”, u shpreh deputeti Paulin Stërkaj.
Kujtojmë që Tom Doshi pas prishjes së kullës reagoi duke thënë se si ishte një akt barbar që turpnon ata që i kanë marrë votat malsorëve dhe sipas tij kjo tregonte se urrejtja ndaj qëndrestarëve antikomunista si Prek Cali nuk ka fund.
“Siç jeni informu nga media, janë prish punimet që kishin fillu për rindërtimin e shpisë së Prek Calit në Vermosh…Në veçanti më vjen keq për mundin e komunitetit shqiptar të Amerikës që kontribun financiarisht për punimet që ishin ba deri dje dhe i kerkoj falje në emën të tan shqiptarëve.
Pikërisht, ata që do të duhej ta kishin mbrojtë shtëpinë e prijësit dhe të mbrojtësit të tokave shqiptare, heroit Prek Cali, e rrafshuen edhe atë që kishte mbetë në kambë.
Ky akt barbar turpnon ata që i kanë marrë votat malsorëve dhe tregon se urrejtja ndaj qëndrestarëve antikomunista si Prek Cali nuk ka fund.
Un i premtoj mbështetësve dhe bashkëqytetarëve te mij, se shtëpia e Prek Calit do të ndërtohet ashtu siç ka kene dikur, kurrkush nuk mund ta mposhtë kujtimin e atij burri të kombit. Un vetë si kushri i tij, si deputet dhe si qytetar, ju jap fjalën që shtëpia e Prek Calit do të ndërtohet trekatëshe për Vitin e Skënderbeut.”, u shpreh Tom Doshi. (J.V/Shuplaka)
Discussion about this post