Temperaturat e larta në vend kanë bërë që sipërfaqe te tëra me pyje dhe kullota të përfshihen ditët e fundit nga zjarri.
Drejtori i Përgjithshëm i Emergjencavë Civile, Shemsi Prençi është shprehur se 90 përqind të rasteve ato kanë qenë të qëllimshme dhe se harta e përhapjes së tyre ka nisur të zgjerohet.
“Kemi patur vatra zjarri që kanë shfaqur gjatë natës që presupozohet që nuk janë nga faktorë natyrorë , gjithësesi nga vëzhgimet, 90% e zjarreve janë nga dora e njeriut pavarësisht nga motivet dhe 10% të rasteve janë nga faktorë natyrore. Harta dixhitale tregon për nivel të lartë të rrezikshmërisë së zjarreve. Kjo vjen nga temperaturat e lartë dhe vera e nxehtë.
Për të përballuar situatën kanë mbërritur edhe helikopterë nga jashtë ndërsa deri tani me problematik ka qënë zona e Tepelenës”, tha ai.
Prençi tregon se për të shuar zjarrin është dashur ndërhyrja e edhe helikopterë nga jashtë, ndërkohë që deri tani me problematik ka qënë zona e Tepelenës.
“Aktualisht rezulton se operacioni më i vëshitë ka qenë në kurorën e gjelbër të qytetit të Tepelenës, kurorën e gjelbër të qytetit të Beratit, kryesisht mbi lagjen Goricë, pjesa e pyllëzuar në Konispol, në zonën e Klosit dhe në zonën e Shkodrës në Malin e Shoshit. Po kështu është shfaqur një vatër zjarri në zonën e liqenit të Zi në Tërnovë të Bulqizës që së shpejti do të ndërhyjmë edhe nga ajri”, u shpreh Prençi.(S.SH/Shuplaka)
Discussion about this post