Mohamed Salah u bë protagonist në fitoren e Egjiptit 4-1 kundër Sëaziland për kualifikueset e Kupës së Kombeve të Afrikës. Sulmuesi i Liverpool shënoi gol nga goditja e këndit por në fund të takimit ai ka lënë fushën i dëmtuar.
Bëhet fjalë për një dhimbje në kofshën e majtë por ende nuk dihet shkalla e tij e dëmtimit. Ai qëndroi për disa minuta jashtë fushe duke marrë ndihmën e mjekëve por në fund u dorëzua duke u larguar direkt për në dhomat e zhveshjes.
Hipotezat e para është që ai do të mungojë për ndeshjen e kthimit të Egjiptit po kundër Sëaziland më datë 16, por dyshohet për ndonjë tërheqje muskulore që mund ta mbajë më gjatë larg fushës, shkruan Sportplus.
Nëse shkalla e tij e dëmtimit përcaktohet të jetë reale dhe që do e mbajë larg fushës, kjo mund të jetë një mundësi ideale për Xherdan Shaqirin që të luajë si titullar te Liverpool, duke qenë se prania e egjiptianit ia kufizon minutat sulmuesit shtatshkurtër.
(B.H/Faxweb)
Discussion about this post