Kanë mjaftuar 21 vota për të shkarkuar Gjokë Nokën nga detyra e kreut të Këshillit të Qarkut Lezhë. Mësohet se ai u shkarkua nga këshilltarët e të dy palëve.
Mbledhja u drejtua nga nënkryetari i Këshillit Bashkiak të këtij qyteti që vendosi që kreu i ri i Këshillit të Qarkut të Lezhës të jetë Kristjan Gjidoda.
Gjokë Noka ka reaguar menjëherë pas këtij akti duke e cilësuar mbledhjen celulë të paligjshme. Sipas tij, e gjitha është një përpjekje për të marrë peng Bashkinë.
“Mbledhja e zhvilluar një celulë e paligjshme, nuk kishte kuorimin e nevojshëm. E gjitha një organizim për të marrë peng Bashkinë e Lezhës.”, është shprehur Noka.
Ai u zgjodh kryetar i Këshillit disa vite më parë, në një mbledhje u arriti të merrte shumicën e votave dhe ku të djathtët nuk paraqitën asnjë kandidaturë e nuk morën pjesë në votim. Në sallën e mbledhjes ishte i pranishëm edhe kreu i Bashkisë, i djathti Fran Frrokaj.
(XH.A/SHUPLAKA)
Discussion about this post