Shkarkohet trajneri Christian Panucci, kush pritet ta zëvendësojë (Emri)

Federata Shqiptare e Futbollit njofton se ditën e sotme ka ndërprerë zyrtarisht bashkëpunimin me trajnerin Christian Panucci.

“E falenderojmë trajnerin Panucci për punën e zhvilluar deri më tani dhe i urojmë suksese në vazhdimin e karrierës.

Ekipi kombëtar në ndeshjen e dytë zyrtare eliminatore kundër Andorrës në transfertë do të drejtohet nga Ervin Bulku dhe Sulejman Mema, si edhe pjesa tjetër e stafit aktual”, thuhet në njoftimin e FSHF-së.

Panucci e mori drejtimin e Kombëtares në Korrik të vitit 2017-të, dhe duket se aventura e tij që zgjati më pak se dy vjet ka qenë një dështim.

Humbja e djeshme me rezultatin 0-2 ndaj Turqisë, duket se i ka dhënë fund bashkëpunimit mes Panuccit dhe FSHF-së.

Vetë Panucci tha mbrëmë pas ndeshjes se ai nuk kishte ndërmend që të jepte dorëheqjen, po duket se kreu i FSHF-së Duka nuk ka qenë aspak i kënaqur me gjendjen e skuadrës.

Para grumbullimit të lojtarëve, pasi një përplasje në distancë mes Panuccit dhe Lenjanit, ku ky i fundit u shpreh se nuk do të vinte më në Kombëtare, sa kohë që në drejtim të ishte italiani.

Ndërkohë që priteshin këto zhvillime, Presidenti i FSHF-së, Armand Duka, ka biseduar me Edi Rejan, ish-trajnerin e Napolit dhe Atalantës. Italiani nuk drejton një skuadër futbolli që nga 2016.

(E.K/FAXWEB.AL)