Debutimi i Xherdan Shaqirit me Liverpool ka qenë perfekt për lojtarin që dha një asis dhe shënoi një gol me roveshatë kundër Manchester United.
Në fund të ndeshjes trajneri gjerman i Liverpool, Jurgen Klopp ka thurur elozhe për sulmuesin me origjinë shqiptare.
“Kjo nuk është normale kur ke vetëm 4 ditë në skuadër, të adaptohesh kaq mirë me stilin e lojës kërkon kohë”, theksoi Klopp.
Ndërsa vijoi më tej duke treguar aftësitë e Shaqirit: “Ne duam që ta ndihmojmë atë me pozicionin që do i japim në fushë, gjë që nuk e bën të vështirë. Duke i dhënë atij më shumë hapësirë, lojë natyrale ofensive, plus dukë i lënë hapësira për sprinte nga mbrapa shpine (kundërsulme), që është gjëja që ai bën më së miri, kështu veproi edhe te goli i Sturridge”.
“Për të qenë i sinqertë ishte më mirë sesa mendova. Mendoj se sot ishte një ndeshje e mirë për të debutuar duke qenë se ne luajtëm mirë për 90 minuta edhe pse kushtet e fushës ishin të vështira për të dy ekipet”, shtoi më tej trajneri i Liverpool.
Klopp tregoi edhe një prapaskenë interesante, “Në momentin që firmosi me ne Shaqiri donte që të vinte te Liverpool direkt edhe pse kishte vetëm një javë që kishte përfunduar ndeshjet e Botërorit, por i thash Jo, shko me pushime në fillim.”
