Edhe pse fillimi i vitit të ri, infermierët e Vlorës vazhdojnë të punojnë me avazin e vjetër.
Një qytetar nga Vlora ankohet te portali “Jeta Osh Qef”, pasi kur ka shkuar t’i bëjë një vaksinë vajzës së vogël është çuditur nga kushtet e ambulançës.
Infermierja nuk kishte dorashka!
“Këtu në Vlorë vete për të bërë një gjilpërë për çupën kundra ftomës dhe shikoj infermieren pa dorashka në ambulançë. I themi bashkë me nusen: Ku i ke dorashkat? Na kthen përgjigje: nuk kemi, nuk na kanë sjellë. Po pate mundësi informoi njerëzit që herë tjetër kur të venë ti bëjnë gjilpëra fëmijëve të blejnë dhe nga një palë dorashka për infermierët qe mos t’ju marrin infeksion fëmijët”, shkruan prindi nga Vlora.
Ministri Beqaj flet çdo ditë për përmirësime të infrastrukturës spitalore, por nuk tregon që ambulançat në vend nuk përballojnë dot as të pajisen me dorashka, që është themelore për punën e mjekëve. (D.D/Shuplaka)
Discussion about this post