Shkrihet Stacioni i Policisë Velipojë, nuk morën masat për parandalimin e ndërtimeve pa leje

Policia e Shtetit njofton se ka shkrirë stacionin e Policisë në Velipojë. Shkak për këtë është bërë neglizhenca e hasur sa i përket ndërtimeve pa leje. 

Drejtor i Përgjithshëm i Policisë së Shtetit Haki Çako urdhëroi Drejtorinë e Standarteve Profesionale “Për kryerjen inspektimit, verifikimin e ndërtimeve pa leje në Njesinë Administrative Velipojë, si dhe masat e marra nga Policia, për vënien para përgjegjësisë ligjore të shtetësave që kanë kryer ndërtime pa leje në këtë territor”. 

NJOFTIMI: 

– Masa ndëshkimore për punonjësit e Policisë të Stacionit të Velipojës, për neglizhencë në detyrë për parandalimin e ndërtimeve pa leje.

– Shkrihet Stacioni i Policisë Velipojë

Drejtor i Përgjithshëm i Policisë së Shtetit Haki Çako urdhëroi Drejtorinë e Standarteve Profesionale “Për kryerjen inspektimit, verifikimin e ndërtimeve pa leje në Njesinë Administrative Velipojë, si dhe masat e marra nga Policia, për vënien para përgjegjësisë ligjore të shtetësave që kanë kryer ndërtime pa leje në këtë territor”.

Në datë 7 korrik 2017 u krye inspektimi në Stacionin e Policisë Velipojë, Komisariati i Policisë Shkodër. Nga verifikimet dhe veprimet e kryera rezultuan disa ndërtime pa leje, si dhe u konstatuan këto mangësi nga Policia vendore:

• Mosnjohja e situatës në lidhje me kontrollin e territorit për ndërtimet e paligjshme kryesisht në zonën e plazhit (përgjegjësi ka ndihmës specialisti i Policimit në Komunitet, specialisti për Krimet dhe Shefi i Stacionit të Policisë).
• Nuk janë zbatuar detyrat e përcaktuara në aktet e ardhura nga Drejtoria e Përgjithshme e Policisë së Shtetit (me përgjegjësi ngarkohet Specialisti për Krimet dhe Shefi i Stacionit të Policisë Velipojë). Nisur nga shkeljet e konstatuara është vendosur:

– shkarkimi nga detyra i Shefit të Stacionit të Policisë Nënkomisar E.Gj. –

 pezullimi nga detyra i Specialistit për Krimet Nënkomisar D.S.j dhe ndaj tij nis hetimi disiplinor

– fillimi i ecurisë disiplinore për shkelje të rënda displinore ndaj Nd/Specialistit të Policimit në Komunitet, Inspektor P.N. Policia e Shtetit është e vendosur të ndëshkojë ashpër çdo paligjshmëri, përfshirë edhe masat ndaj punonjësve të saj, kur konstatohen shkelje në detyrë. E në këtë kuadër, ftojmë qytetarët të denoncojnë çdo rast që konstatojnë.