Gazetari Armand Shkullaku ka thënë se nuk duhet të surprizohemi në rast se pas zgjedhjeve të 25 qershorit Rama dhe Meta dalin sërish bashkë të përqafuar si në marrëveshjen e 1 Prillit.
“Nuk është çudi që ata të dalin për qafe të dy bashkë, prapë si në 1 prill 2013 dhe Ilir Meta ti japi dekretin për kryeministër Edi Ramës”.
Lidhur me këtë Shkullaku ka përmendur edhe akuzat dhe kundërakuzat në 2009 mes Ramës dhe Metës.
‘’Ju e mbani me kur Meta tha se nuk do të shkonte në zgjedhje pa opozitën dhe pastaj u regjistrua në rastin më të parë. Ju i kujtoni dhe deklaratat pas bllokut të famshëm dhe Rama shprehej se Meta vjedh vota, ndërsa Meta shprehej se Rama është i droguar dhe nuk e do as familja e tij. Më pas qëndruan në qeverisje për katër vite bashkë”, vijoi më tej Shkullaku
Më tej Shkullaku është shprehur se ndodhemi në një situatë absurde, ku kemi 3 parti që janë kundërshtare në fushatë dhe po ashtu qeverisin të treja bashke. Sipas gazetarit sulmet mes tyre ndodhin për të tërhequr vëmendjen e publikut, ai tha se partitë janë të pritura të gjejnë armiq dhe të sulmojnë njëri-tjetrin në funksion të fushatës.
“Për të nxitur votuesin, për të ti ndarë, për ti prekur, për ti mobilizuar ata partitë duhet të shpallin nju armik. Se praktikisht dhe bashkëqeverisje dhe kundërshtarë kjo nuk ndodh në një vend normal. Armiku është shpikur tani, dhe e keqja më e madhe na qenka LSI-ja. Po të dëgjosh deklaratat e Ramës të ngjajnë me gjuhën e një kandidati që ka ardhur nga diaspora’’, përfundoi Shkullaku.
(E.K/SHUPLAKA)
