Detaje të reja janë zbuluar rreth ngjarjes së rëndë që ndodhi sot në kryeqytet, ku tre të rinj kanë abuzuar me një 14-vjeçare. Ajo tregon se me të dashurin ka shkuar me dëshirë, por dy shokët e tij kanë abuzuar me të.
E mitura me iniciale A.B. tregoi ngjarjen pasi u shoqërua në komisariat. Ky rast u zbulua pas një kontrolli rutinë të policisë në mjetin ku udhëtonin 4 të rinjtë, dy 19-vjeçarë, një 17-vjeçar dhe e dashura e tij vetëm 14-vjeçe.
Policia bën të ditur se në momentin kur një officer policie ndaloi drejtuesin e mjetit S. D, u zbulua që ai lëvizte pa patentë dhe nën efektin e alkoolit.
Ai u shoqërua në komisariat sëbashku me dy shokët e tij që ishin në makinë S.D dhe R.H, si edhe 14-vjeçarja A.B.
Kjo e fundit shokoi policinë kur tregoi se kishte dalë nga banesa e saj pa lejen e prindërve për të shkuar në një lokal me të dashurin e dy shokët e tij, e pikërisht aty ajo tregpon se kishte kryer marrëdhënie seksuale me të dashurin, por menjëherë pas kësaj, dy shokët e tij kishin abuzuar seksualisht me të.
Pas këtij tregimi, e mitura iu nënshtrua ekspertizës mjeko-ligjore, nga ku u konstatua konsumimi i aktit seksual.
Por në një dëshmi të dyte në prani të psikologëve, A.B e ka ndryshuar versionin e saj duke pranuar se ka shkuar me dëshirë me të tre djemtë.
Tre të rinjtë janë arrestuar nën akuzën për “abuzimi seksual me të mitur”.
