Shoqata “Blegtorët Prodhues të Qumështit” vjen me një deklaratë lidhur me detajet mbi protestën e sotme.
Deklarata e Shoqates “Blegtoret Prodhues te Qumeshtit”
Sqarim:
Duke marrë shkasë nga disa postime në rrjetet sociale, e ndjejmë të nevojshme të bëjmë një sqarim të detajuar mbi protestën e sotme. Protesta e sotme ishte kundër industrisë së përpunimit të qumështit, jo me qëllimin që përpunuesit t’i blejnë blegtorëve qumështin me çmimin që këta të fundit(ne) pretendojnë, por që ta blejnë me cmimin e tregut të lirë te pa dakortësuar në bllok ata me njëri-tjetrin. Në tregun e lirë nuk lejohet as përcaktimi i çmimit të blerjes dhe as ai i shitjes, kjo përbën vepër penale dhe hetohet nga autoriteti i konkurencës duke marrë masat përkatëse.
Cmimi i importit të qumështit për muajin Mars 2024 është më i lartë se çmimi i kërkuar nga blegtorët vendas për qumështin e tyre bazuar në cilësi, kjo kollaj e vërtetueshme nga deklaratat doganore të secilës prej kompanive përpunuese që kanë importuar në muajin Mars.
Përsa i përket deputetit të qarkut Fier z. Taulant Balla sqarojmë se:
Grupimi jonë përpara se të formalizohej shoqata ka ardhur si pasojë e një problematike mbi taksat e produkteve zëvendësuese të qumështit të freskët(krem qumështi, hirre qumështi), adresuar pikërisht këtij deputeti, i cili në datën 25/01/2023 na adresoi në komisionin e ekonimisë ku një përfaqësi fermash, që sot janë anëtarë themelues të shoqatës, një takimi mbi problematikën e asaj kohe. Shoqata jonë është krijuar me vendim gjykate nr 7137 në datën 16/06/2023.
Thënë kjo, shoqata jonë prej krijimit të saj ka kërkuar dhe do të kërkojë me forcën e saj më të madhe, pa reshtur asnjëherë, SUBVENCIONET E DUHURA si çdo vend në Europë duke mos toleruar/amnistuar asnjë qeveri të asnjë partie politike, pikërisht sepse e dimë që subvencioni është themel në zhvillimin e blegtorisë së vendit tonë ashtu sic në çdo vend të Europës dhe të rajonit.
Shoqata jonë dhe protesta e mbajtur prej saj nuk njeh dhe nuk do të njohë asnjë parti politike përveç interesave të blegtorve/fermerve.