Pas vendimit të Ministrisë së Shëndetësisë për të koncensionuar shërbimin laboratorik mjekësor, teknikët e mjekësisë laboratorike njoftojnë se të mërkurën do dalin të protestojnë.
“Shoqata e Teknikëve të Mjekësisë Laboratorike, me insistimin e anëtarëve të saj ka vendosur të zhvillojë grevë paqësore, në lidhje me nismën më të fundit të Ministrisë së Shëndetësisë për të konçensionuar shërbimin mjekësor laboratorik, në Spitalet Universitarë dhe në Spitalet Publikë Rajonalë në të gjithë vendin.”, shkruhet në njoftimin e shoqatës.
Ndër të tjera, teknikët e mjekësisë bëjnë me dije se shërbimi i urgjencës gjatë periudhës që do të zhvillohet greva, nuk do të ndërpritet.
Protesta do të nisë duke filluar që nesër nga ora 10.00-11:00.
