Shpërblimet e fundvitit për mësuesit, Berisha: Rama dhe Nikolla mashtruan

Kryeministri Edi Rama dhe ministrja e Arsimit dhe Sportit Lindita Nikolla kanë mashtruar me shpërblimet e fundvitit për mësuesit.

Të paktën kështu pretendon ish-kryeministri Sali Berisha, i cili ka postuar në profilin e tij në rrjetet sociale mesazhin e një mësuesi.

Postimi i Sali Berishës në Facebook:

Mesuesi dixhital denoncon:
Mashtrimin e mesuesve nga Edvini dhe Lindita per shperblimin e fundvitit! sb

“Zoti Berisha pershendetje. Ju lutem ngrijeni zerin neser ne Parlament per ne arsimtaret se edhe kete vit nuk na e dhane shperblimin 10 mije lekesh. Edhe pse Ministria e Arsimit ra dakort me Aleancen Sindikale per dhenien e shperblimit, sot ne mbledhjen e Keshillit te Ministrave qe prisnim pergjigjen zyrtare nuk u tha asnje gje dhe edhe kete vit mesuesit mbeten pa kete shperblim qe ju takonte. Faleminderit”

Pak ditë më parë arsimtarët u mblodhën para Ministrisë së Arsimit dhe Sportit ku kanë protestuar për të drejtat e tyre. Ata kanë paraqitur katër kërkesa për ministrinë, ndër të tjera rritjen e pagës dhe dhënien e shpërblimit të fundvitit.

Mësuesit ankohen se prej katër vitesh paga nuk u është rritur ndërkohë që përzgjedhja e mësuesve ekselentë bëhet në mënyrë të fshehtë. (A.R/SHUPLAKA)