Banorët e Zharrëzës në Fier, zonës ku u ndodhi tërmeti i disa ditëve më parë vazhdojnë grevën e urisë. Sot, banorët që protestojnë kundër ”Bankers”-it, i ka takuar edhe Petrit Vasili, zëvendëskryetari i LSI-së.
Sipas Vasilit situata duket e rëndë dhe se në njëzinë administrative në Zharrë duhet shpallur gjendja e jashtëzakonshme.
”Të shpallet gjendja e emergjencës për situatën e krijuar në Zharrë. Zhdëmtimi dhe riparimi i banesave është diçka emergjente”, u tha banorëve Vasili.
Prej ditësh banorët kanë hedhur dyshime të forta te kompania ”Bankers”, që sipas tyre është shkaktarja e tërmetit, i cili nuk ka qenë natyror. Shtëpitë e banorëve kanë pësuar dëmtime të mëdha, për të cilat ata kërkojnë dëmshpërblim. (V.G/SHUPLAKA)
Discussion about this post