Shpërthen keq analisti: Të gjithë këta plehra më marrin nga 5 minuta jetë

”Të gjithë këta plehra më marrin nga 5 minuta jetë”, ky ka qenë irritimi qe ka pasur ditën e sotme analisti Dritan Hila.

E gjitha ka nisur për parakalimin e parregullt që të tjerët i bëjnë në një rrugë dytësore të kryeqytetit.

Duke përshkruar tipat që nuk zbatojnë rregullat Hila thotë se secili prej tyre i merr atij nga pesë minuta jetë. Dhe në fund të reagimit të tij shton se sa kohë që ka njerëz të tillë Shqipëria do të jetë ende shumë larg BE-së.

REAGIMI:

Rruga dytësore tek krahu i Hygeias. Ti pret në rresht. Ndërkohë gjithmonë do të dali një kokëkanaçe që nuk di as të qethet dhe as të vishet por ka makinë 50.000€ i cili të parakalon dhe të ha 5 minuta nga jeta jote. Pastaj një mesogrua 50 vjeçe e llangosur ne buzkuq dhe me rroba pas trupit që e bejne të duket si maskoti Michelin nga 50 kilet që ka mbi peshë.

Ka nje Clio dhe të parakalon. Ikën 5 minuta të tjera. Pastaj tre çunakë me një Benz 220 që me siguri ja kanë marrë babait. Pastaj një Opel Combo i ngarkuar me qepë dhe patate.

Pastaj nje BMV X6 e drejtuar nga kukull silikoni e oksigjenuar. Të gjithë këta plehra më marrin nga 5 minuta jetë. E shumëzuar me qindra minuta jetë të njerëzve që zbatojnë rregullin, bëjnë vite të tëra që na i marrin. 
Dy vjet me parë shkonte vargu i makinave nga Petrogradi në Budva por askush nuk bënte “të zgjuarin” dhe parakalonte. Prandaj do pranohen të gjithë në BE, edhe Kosova, dhe ne do mbesim jashtë. Dhe e kemi hak.

(E.K/SHUPLAKA)