Shpërthen një bombul gazi gjatë natës në Shijak, shkaktohen dëme materiale

Një bombul gazi ka shpërthyer mbrëmjen e djeshme në Shijak në lagjen “Popullore” në guzhinën e shtetasit L.K., 70 vjeç.

Dyshohet se shpërthimi është shkaktuar nga një rrjedhje gazi. Guzhina e 70-vjeçarit ishte e veçuar nga banesa ku jetonte ai. Si pasojë, janë shkaktuar vetëm dëme materiale.

Ndërkohë në vendngjarje shkoi grupi hetimor i cili po punon për zbardhjen e rrethanave të shpërthimit.

Njoftimi i Policisë:

Durrës/Informacion paraprak

Në orët e para të mëngjesit, në Shijak në lagjen “Popullore”, në guzhinën e shtetasit L. K., 70 vjeç, e veçuar nga banesa ku jetonte ka pasur rrjedhje gazi, ku si pasojë e rrjedhjes ka shpërthyer bombola e gazit.

Për pasojë janë shkaktuar vetëm dëme materiale.

Në vendngjarje ndodhet grupi hetimor i cili po punon për zbardhjen e rrethanave dhe shkakut të shpërthimit të bombulës së gazit.