Shpërthen Xherdan Shaqiri: Do të shkoj në Beograd, nuk ia kam frikën askujt

Pas disa shkrimeve të mediave serbe dhe deklaratave të ndryshme nga Serbia për atë se çfarë e priste futobllistin me origjinë shqiptare Xherdan Shaqiri në Beograd, ku skuadra e tij Liverpool do të ndeshet me Crvena Zvezdën, ndeshje e vlefshme për Grupit C në kuadër të Champins League, ka reaguar dhe ky i fundit.

“Nuk frikësohem aspak. I kam lexuar ato që janë shkruar, ama nuk ia kam frikën askujt!”, ka thënë Shaqiri.

Nuk dihet nëse Shaqiri do të luajë në atë ndeshje pasi trajneri Klopp e ka aktivizuar fare pak në lojë.

Megjithatë, ai thotë se është i kënaqur dhe se po punon mirë çdo ditë.

“Jam i lumtur kur shoh çfarë lojtarësh nuk ia dalin të futen as në stol. Duhet të punoj fort çdo ditë në stërvitje për ta treguar veten. Kam marrëdhënie të mira me trajnerin dhe gjithë të tjerët”, tha Shaqiri.

Drejtori i përgjithshëm i Zvezdës, Zvezdan Terzic, kishte deklaruar më parë se Shaqirin e pret një natë e vështirë dhe plot presion në Beograd.

Skuadra e Liverpool do të udhëtojë drejt kryeqytetit të Serbisë më 6 nëntor. (B.H/Faxweb)