Një shpërthim ka ndodhur sot pranë një objekti të qeverisë që u inaugurua pak para vitit të ri në Mitrovicën Veriore.
Shpërthimi ka ndodhur rreth orës 20:00 në hotelin e quajtur “Sasha”, pasi disa persona hodhën një mjet shpërthyes.
Klan Kosova shkruan se nga shpërthimi janë dëmtuar xhamat e këtij objekti, por fatmirësisht nuk ka të lënduar.
“Mjeti shpërthyes, granata, ka shkaktuar dëme materiale, thyerje të xhamave të ndërtesës qeveritare, por nuk ka të lënduar”, ka konfirmuar Besim Hoti, zyrtar i policisë në Mitrovicë.
Policia ende nuk ka raportuar për të dyshuar, ndërkaq sqaron se mjeti shpërthyes dyshohet të ketë qenë një granatë dore. (D.D/Shuplaka)
