Gjenerali amerikan, Michael Barbero ka paralajërmuar se Shqipëria rrezikohet nga hakmarrja e Iranit. Në një takim të mbajtur në Tiranë për sigurinë, Barbero deklaroi se çdo aleat i SHBA mund të jetë shënjestër dhe për këtë arsye kërkoi që Shqipëria të jetë vigjilente sepse mund të jetë në rrezik.
“Fatkeqësisht çdo mik i SHBA apo aleati ynë mund të shikohet si një shënjestër. Për këtë vigjilenca është mjaft e rëndësishme veçanërisht në fushën kibernetike, pasi Irani ka disa aftësi mjaft të sofistikuara për sulmet kibernetike. Për këtë arsye Shqipëria duhet të tregohet mjaft vigjelinetë në përpjekjet kundër terrorizmit dhe kundër sulmeve kibernetike”, u shpreh ai.
Për të qetësuar tensionet, gjenerali shtoi se NATO do të ndërhyjë në çdo rast nëse një vendi anëtar i bëhet sulm.
“Ka ardhur momenti që partnerët aleatë të qëndrojnë të fortë dhe nuk duhet të vazhdojnë të kërkojnë falje për vrasjen e Soleimanit por është momenti të thonë nëse janë kundër terrorizmit apo jo. Nuk mendoj se ka një konflikt global në horizont.
NATO duhet të intensifikojë mbështetjen e operacioneve në Irak. NATO është një aleancë që vazhdon të jetë e rëndësishme dhe vepron në mënyrë të përshtatshme. Mendoj që NATO do të reagojë ndaj çfarëdo lloj sulmi do ti bëhet ndonjë prej shteteve anëtarë të saj”, deklaroi Michael Barbero.
Discussion about this post