Një aksident i rëndë ka ndodhur në Puglia të Italisë ku kanë ngelur të vdekur 3 persona. Një 22-vjeçar shqiptar ka rënë në prangat e policisë italiane, pasi akuzohet se shkaktoi aksidentin e rëndë.
Sipas “Ansa ” shqiptari, identiteti i të cilit nuk dihet, ishte në gjendje të dehur teksa drejtonte mjetin tip ‘Fiat Stilo’ duke përplasur automjetin ‘Toyota Aygo’, ku udhëtonin dy burra dhe një grua.
Tgcom shkruan se pas përplasjes së fortë, mjeti ku udhëtonin tre personat ka shpërthyer në flakë, duke i djegur të tre. Ndërkohë ‘Ansa’ shkruan se personat janë gjetur të karbonizuar brenda mjetit. Sakaq, i riu shqiptar udhëtonte bashkë me shokun e tij, i cili po ashtu mbeti i plagosur. (J.V/Shuplaka)
