Një grua 31 vjeçare është gjetur e vdekur sot në orët e para të mëngjesit në lagjen Wetzeldorf të qytetit austriak Graz, ajo është vrarë nga bashkëshorti i saj 25 vjeç.
Bashkëshorti e ka lajmëruar vetë Policinë, shkruajnë agjensia austriake e lajmeve APA.
25 vjeçari me shtetësi austriak me origjinë kosovare u kishte thënë policëve se e kishte vrarë ai me thikë partneren e tij.
Patrulla e policisë që kishte arritur pastaj në vendin e ngjarjes kishte gjetur trupin e pajetë të gruas, transmeton albinfo.ch. 25 vjeçari i është dorëzuar policisë, pa rezistencë.
Në banesë ndodhej edhe djali 5 vjeçar i viktimës dhe vajza, foshnjë tremuajshe e çiftit.
Mes dy partnerëve kishte pasur në vazhdimësi konflikte dhe tashmë disa herë ka pasur edhe përzënie të njëri-tjetrit nga shtëpia. (S.SH/Shuplaka)
