Shtimi i grabitjeve me armë dhe droga, Basha: Rama po përsërit skemën kur mbrojti Tahirin

Kreu i PD-së, Lulzim Basha në një deklaratë për mediat ka denoncuar sot rritjen e rasteve të krimit që janë shtuar ditët e fundit në vendin tonë.

Basha tha se Rama përmes propagandës së tij po përpiqet që të shes në vendet e Europës një fytyrë që nuk ekziston.

“Vetëm dje në vendin tonë  kanë ndodhur 4 grabitje me armë. Drogë lumë drejt europës, grabitje me armë bankash dhe biznesh, cikli i krimit po thellohet.

Nga marijuana po kalohet në heroinë dhe kokainë. Kurrë nuk mund të kishte ardhur në Shqipëri 613 kilogramë kokainë, pa një mbështetje. 10 ngarkesa kalojnë dhe një kapet.

Bumi i ndërtimeve në Tiranë dhe PPP-të janë pastrim i parave të pista. Rama po investon në mediat e huaja që të hiqet sikur e ka pastruar vendin, është e njëjta skemë që përdori më herët, kur thoshte se Saimir Tahiri ishte ministri i tij më i sukseshëm, dhe pasojat e kësaj propaganda i pamë të gjithë.

Sa kohë që Rama është në pushtet nuk do të ketë drejtësi, Dako në Durrës, Sejdini në Elbasan do të jenë kazan i larjes së parave të pista”, shprehet Basha.

(E.K/FAXWEB)