Shtohen edhe më shumë rastet me Covid 19 në Shkodër, mes tyre dhe një infermier, i kishte shërbyer prej 1 muaji…

Vijon të rritet numri i të prekurve me koronavirus në qytetin e Shkodrës, ku janë zgjeruar vatrat në familjet që kanë pasur raste të shumta.

Burime bëjnë me dije se nga 26 tampon që janë kryer nga ISHP në 24 orët e fundit, 6 prej tyre kanë rezultuar pozitiv në Shkodër.

2 janë familjarët e 80 vjecares, që humbi jetën dy netë më parë dhe infermieri i cili i shërbente prej muajsh, 1 anëtar i familjes nga Dobraçi dhe 2 anëtare të familjes nga Kirasi.

Kjo e çon numrin e te infektuarve në qarkun Shkodër 48, ndërsa në Bashkine Shkodër 44.

Deri dje në vendin tonë kanë qenë 361 raste me koronavirus, nga të cilët 104 janë shëruar, ndërsa 21 persona kanë humbur jetën, sipas Ministrisë së Shëndetësisë.

Shkodra është qyteti i dytë me numrin më të madh të të prekurve pas Tiranës, e ndjekur më pas dhe nga Fieri dhe Durrësi.

E veçanta e Shkodrës është që përhapja ka ndodhur në një kohë shumë të shkurtër, dhe shumë prej personave që janë prekur kanë lidhje familjare mes tyre.,

(E.K/Faxweb.al)