Shtyhet seanca në Apelin e Posaçëm për Safet Gjicit, shkak mungesa e Alma Kaçit

Sot është mbajtur seanca e parë në Apelin e Posaçëm Antikorrupsion ndaj ish-kryetarit të Bashkisë së Kukësit, Safet Gjici.

Ndërkohë raportohet se seanca është shtyrë për datën 20 qershor pasi ditën e sotme nuk është paraqitur Alma Kaçi.

Safet Gjici u dënua më datë 7 shkurt të këtij viti nga shkalla e parë me 3 vite burg, në aplikim të gjykimit të shkurtuar në 2 vite, nën akuzën e “shpërdorimit të detyrës”.

Safet Gjici u vu në pranga fillimisht i akuzuar për “korrupsion pasiv”, pasi dyshohet se ka favorizuar Alma Kaçin, duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet.

Vetë 40-vjeçarja ka pranuar se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin.