Ditën e nesërme priten të merren në pyetje ish-ministri i Brendshëm, Saimir Tahiri dhe ministrja e Arsimit, Lindita Nikolla.
Bëhet fjalë për çështjen e kërcënimit të pedagogut dhe rektorit të Universitetit të Tiranës, Mynyr Koni, rreth një vit më parë. Në atë kohë, ai depozitoi një kallëzim penal mbi kërcënimin dhe kanosjen ndaj tij nga disa persona që iu prezantuan si Emiljano Shullazi në kohën që ai kandidonte për postin e Rektoratit.
““Isha në rrugë duke shkuar për në shtëpi, një makinë më ndaloi tek këmbët dhe një person më urdhëroi të hyja brenda. Aty jam kërcënuar. Ishin tre veta. Njëri prej tyre më tha “Ti do terhiqesh deri nesër nga gara!”. I thashë të mendohem deri nesër. Personi në fjalë me ton të lartë më tha: Ti do të japësh dorëheqjen!” , ka denoncuar Koni.
Ai vuri në dijeni drejtorin e Policisë së Tiranës, Ervin Hodaj që lajmëroi menjëherë ministrin në atë kohë, Saimir Tahirin. Sipas burimeve të Prokurorisë së Krimeve të Rënda, Tahiri kërkoi të takojë Konin dhe ky takim u zhvillua në zyrën e tij, ku ishin të pranishëm Saimir Tahiri, Lindita Nikolli, Mynyr Koni dhe Ervin Hodaj.
(XH.A/SHUPLAKA)
