“Si do ta heqim qafe Fiqiri Ismailin”, debat në KQZ për kryebashkiakët me 3 mandate

Sekretari i Komisionit Qendror të Zgjedhjeve Ylli Merkaj gjatë mbledhjes së sotme ka lexuar ligjin për kryetarët e bashkive që kanë konsumuar tre mandate, ku është kërkuar nga administrata e KQZ-së interpretimi dhe sqarimi i kësaj çështje.

“Nëse do pranohet logjika se aplikohet vetëm pas hyrjes në fuqi do ishim në kushte e disa standardeve. Kështu që jemi të mendimit se kryebashkiakët që kanë konsumuar 3 mandate nuk duhet të konsumojnë më mandate. Asnjë instiucion nuk është i caktuar të shprehet për këtë ligj. KQZ si organ që ka kompetence për ligjet dhe ka detyrim te zbatojë jo vetëm kodin zgjedhor, por edhe legjistlacioni. Duhet të shtohet edhe një dispozitë për kandidatët që kanë 3 mandate.”– sqaroi Merkaj.

Ndërkaq përfaqësuesi ligjor i Partisë Demokratike Ivi Kaso u shpreh se kjo është çështje që ka sensibilitet të madh se ka të bëjë me fatin e menaxhimit të disa bashkive. Sipas tij kjo lidhet me të drejtën e atyre që i drejtojnë këto bashki.

“Nuk ka pasur ndonjë sensiblitet për të rregulluar këtë gjë dhe vjen nga një forcë politike që është në qeveri dhe njerez të kësaj partie janë kapur në sallën e Kuvendit, duke biseduar për këtë çështje( i referohen mesazhe te Belinda Ballukut me Sadi Vorpsin, qe donin te hiqnin qafe Fiqiri Ismailin).”- u shpreh ndër të tjera Ivi Kaso.

Ivi Kaso: U permend në relacion vendimi i Gjykatës Kushtetuese çështja procedurë. Administrata pretendon se është çështje procedure. Administrata mendon se ligji për veteqeverisjen vendore është çështje procedure? Në nen të këtij ligji parashikon ndalim, a është procedure dhe kjo? Si i numëron administrata mandatet? 1, 2,3 para apo 1,2,3 pas. Nuk mendoni se po i hiqni disa kompetenca gjykatës?

Njazi Kosovrasti: E zëmë se një kryetar bashkie ka realizuar katër mandate, para hyrjes në fuqi të ligjit. Po me mandatin e katërt çfarë beni ju? Me atë mandatin që e ka marrë para këtij ligji? Ja quani të paligjshëm?

Ivi Kaso: Është çështje që ka sensibilitet të madh se ka të bëjë me fatin e menaxhimit të disa bashkive. Lidhet me të drejten e atyre që i drejtojnë këto bashki. KQZ propozon një zgjidhje që për mua nuk është ajo e duhura. Nuk ka pasur ndonjë sensiblitet për të rregulluar këtë gjë dhe vjen nga një forcë politike që është në qeveri dhe njerez të kësaj partie janë kapur në sallën e Kuvendit, duke biseduar për këtë çështje( i referohen mesazhe te Belinda Ballukut me Sadi Vorpsin, qe donin te hiqnin qafe Fiqiri Ismailin).(LEXO KËTU). Ligji nuk ka fuqi prapavepruese, përveç se kur e parashikon që më parë. Pra përcaktohet rregulli dhe pastaj fillon numërimi. Kjo gjë do bënte që zotërinj dhe zonjat që janë zgjedhur duhet tu ndërpritej mandati.

Po ashtu Erdian Salianji përfaqësuesi ligjor i Partisë Socialiste në KQZ u shpreh se thuhet qartë që kryatari i bashkisë mund të ushtorjë vetëm 3 mandate.

Eridian Salianji: Është detyruese për KQZ të përcaktojë se si do zbatohet ky ligj.Thuhet qarte që kryetari i bashkisë mund të ushtrojë vetëm 3 mandate. As PD as PS nuk janë të varur nga një njeri. Dhe me shumë dëmtohet PS nga kjo gjë, se sa PD, se PS ka më shumë kryebashkike.

Bledar Skënderi:Çështja është shumë e thjeshtë. Ligji ka kriter që mos te kete më shumë se 3 mandate  ne krye të bashkisë,ai që kandidon.