Si e lëshoi në fund Edi Rama mikun e tij Aqif Rakipi

Edhe pse pati dyshime në fund kryeministri Rama përmes kandidatëve të tij në KQZ ka vendosur që të votojë pro heqjes së mandatit të deputetëve Gledion Rehovica dhe Aqif Rakipi.

Edhe pse në mbledhjen e parë të zhvilluar para dy ditësh u kërkuan material shtesë nga ana e Prokurorisë, vendimi sot në mbledhje ishte unanim me pesë vota pro.

Një prej anëtarëve mungonte në mbledhje. Prokuroria tha se dy deputetët kishin fshehur dënimet që kishin marrë në shtetin Italian.

Po përtej të gjithë kësaj, pyetja që ngrihet është: kush e shtrëngoi Edi Ramën që të merrte këtë vendim kundër mikut të tij. Madje nga opozita Aqif Rakipi quhet edhe si ‘’Qifja” i Elbasanit.

Akuzat e Prokurorisë:

Në datën 22 dhjetor Interpol Roma solli të dhëna për dy deputetët.

Për deputetin e PDIU-së, Aqif Rakipi, Interpol Roma thotë se është proceduar për vjedhje me emrin Skënder Ejylbegaj.

Vjedhja në fjalë ka ndodhur në 03.11.1998, kohë kur deputeti ka deklaruar në formularin e dekriminalizimit se ka qenë emigrant në Itali.

Deputeti i LSI-së, Gledion Rehovica sipas Interpol Romës, është proceduar për vjedhje dyqani me emrin Kusta Mina në 27.02.1999, kohë kur vetë deputeti ka deklaruar se jetonte në Itali si student.

Të dy deputetët nuk deklaruan ndalimet në formular dhe as përdorimin e emrave të tjerë, çka sipas ligjit të dekriminalizimit përbën arsye për ndërprerje të menjëhershme mandati.

(E.K/FAXWEB)