Një ditë më parë u bë e ditur vënia në pranga e Erjon Basha 32 vjeç dhe procedimi penal ndaj Qani Basha 71 vjeç, nën akuzën e “pengmarrjes”. Ata justifikuan veprimin e tyre me pretendimin se shtetasi 41-vjeçar që u mbajt peng, i identifikuar si David Pina me profesion dentist, u kishte borxh 7 mijë lekë të rinj.
Babë e bir nuk e lejuar dentistin që të dilte nga klinika e tij deri sa t’u kthente paratë e marra borxh. Referuar një portali online, mësohet se policia ka shkuar në vendngjarje pasi u lajmërua nga qytetarët që banonin në zonën ku ndodhet edhe klinika e 41-vjeçarit dhe menjëherë është bërë lirimi i pengut.
Burime të policisë kanë bërë me dije se mes pengut dhe pengmarrësve babë e bir, ka pasur mosmarrëveshje për një çështje pagese. Pavarësisht se shtetasi David Pina ka tentuar t’ua argumentojë për gati dy orë që mbahej peng se paratë që i pretendonin ua kishte dhënë, babë e bir nuk e kanë lejuar të dalë nga klinika deri në momentin e ndërhyrjes së shërbimeve të Komisariatit nr.3. (XH.A/SHUPLAKA)
