Të gjithë dëshirojmë që në drekën e Krishtlindjes të hamë gjëra të shijshme. Tradita shiptare e ka që në këtë drekë të serviret gjeli i detit në tavolinë. Mirëpo amvisat shqiptare këtë e gatuajnë në mënyra të ndryshme.
Por, ky është një përbërës sekret që e kthen ditën e Krishtlindjeve në një ditë me shije ku edhe gjeli i detit mund të shijohet ndryshe nga tradicionalja. Në këtë recetë ku ruhet edhe sekreti i shijes së gjelit të detit, ai vjen me një shije të ëmbël. Frutat si molla dhe kajsia janë përfekte për të gatuar këtë mish të bardhë.
Ja si mund ta përgatitim këtë recetë të shijshme:
Përbërësit që nevojiten për salën e mishit janë: nenexhik, arra me mjaltë, kajsi, galetë, vezë dhe qepë. Kjo përzierje formohet në formë topash dhe piqet për 30 minuta. Si alternativë mbushja mund të vendoset nën lëkurën e gjelit para pjekjes.
Përbërësit që nevojiten për mbushjen me kasi dhe mollë:
- 1 qepë e madhe
- 200 gram selino
- 50 g gjalp
- 3 gjethe nenexhik
- 50 gramë arra me mjaltë
- 120 kajsi të thara
- Një mollë
- 200 gram bukë e freskët e bardhë
- 400 gramë mish sallam
- Një vezë
Përgatitja:
Skuqini qepët dhe selinonë me gjalp, dhe lërini të ftohen. Përzjeni më pas me arra, kajsi, neneshik, bukë, sallam dhe mollë. Shtoni dhe vezën për t’i lidhur dhe formoni topa. Piqini për 30 minuta sa të marrin një ngjyrë të artë ose vendoseni mbushjen mes mishit dhe lëkurës së gjelit. (J.V/Shuplaka)
Discussion about this post