“Sigurimi i Shtetit ka qenë partner i KGB-së”, Çollaku: Ekzistojnë mbi 70 individë të Sigurimit në administratë

Anëtari i grupit parlamentar të PD-së Kreshnik Çollaku ka diskutuar sot gjatë rendit të KQZ-së.

Ai u shpreh për ligjin e Lustracionit, si një akt që do të përmisojë situatën e administratës dhe të qytetarëve shqiptarë.

Ligji i Lustracionit, synon pastrimin nga çdo person i Sigurimit të Shtetit, në zyrat e administratës dhe institucioneve të tjera publike. Sipas Çollakut në administratën e qeverisë shqiptare ka me dhjetra agjentë të Sigurimit dhe se ata bashkëpunojnë me KGB-në për interesa anti-kombëtar.

Ndër të tjera Kreshnik Çollaku tha: “Mendoj se bëj pjesë të grupi parlamentar që e ka ndarë mendjen për t’i shkuar deri në fund kësaj çështjeje.

Ky grup parlamentar imponoi ndryshimet në aktin-normativ.

Ligji i lustracionit, e sjellë në binarët e vërtetë ça ishte PD e 90′. Ne kemi sfidë dhe do ta realizojmë me sukses.

Është një akt moral, e drejta e njerëzve për t’u shëruar.

Këtu ka njerëz që e kanë provuar persekutimin.

Është çështje e sigurisë kombëtare, Sigurimi i Shtetit ka qenë partnere e KGB-së. Dosjet ia shkëmbejnë njëra tjetrës.

Këto kontigjente u korruptuan, armike dhe antikombëtare të interesave të Shqipërisë.

Në administratën e sotme të Shqipërisë, ekzistojnë mbi 70 individë të Sigurimit. Është çështje e sigurisë.”