Një nga këngëtaret më të dashura për publikun shqiptar, Silva Gunbardhi ka kaluar një moment shumë të vështirë, pasi është detyruar që të kryejë një ndërhyrje kirurgjikale në sy.
Ka më shumë se 10 vite që këngëtarja vuan nga një problem në sy, po vetëm më janar shkurt, ajo vendosi që të bëjë ndërhyrjen kirurgjikale.
Silva ka rrëfyer se ka kaluar një periudhe shumë të vështirë edhe nga ana ekonomike, pasi siç thotë ajo, një nënë me një fëmijë të vogël nuk i tepron asnjëherë asgjë. Këngëtarja ka rrëfyer pas operacionit, ndihet shumë e lumtur që doli me sukses, pasi e kishte të pamundur që ta duronte bezdisjen dhe dhimjen që kishte.
“ E keni parasysh ndjesinë e vazhdueshme kur të hyn diçka në sy dhe vuan gjithë ditën? Unë kisha mbi 10 vjet me këtë ndjesi”, ka thënë ajo për një të përditshme shqiptare.
Por çfarë ka bërë më shumë përshtypje është që pagesa për operacionin iu dha me mundësi zgjedhjeje. E para që t’i riktheheshin në llogarinë e saj bankare, ose zgjidh dikë që ka nevojë për ndihmë e ta ndihmosh me këtë shumë. Siç e njohim të gjithë për çiltërsinë e saj, vendosi që të gjithë pagesën t’ia dhuronte një fëmije në moshën e djalit të saj. Shërim sa më të shpejtë Silva! (A.D/Shuplaka)
