Një studim i fundit i BIRN nxjerr në pah ndërhyrjen e politikës në mediat vendase në shtetin serb. Bëhet fjalë për një studim të detajuar që nxjerr në pah se sipërmarrës të afërt me qeverinë kontrollojnë mediat.
Referuar këtij studimi, krerët shtetërorë nën presidentin Aleksandar Vuçiç, ushtrojnë ndikim të madh në raportimin mediatik, çështje që nuk ka ndryshuar as pas privatizimit të mediave përgjatë viteve të fundit.
“Sipas hulumtimit, 62.35 për qind e audiencës në Serbi ndahet midis katër transmetuesve që zotërojnë shtatë kanale. Këto janë transmetuesit kombëtar, RTS dhe dega rajonale e saj në Vojvodinë, RTV, TV Pink, TV Prva dhe B92, të dy në pronësi të “Antena Group” dhe “TV Happy”. Stacionet televizive “Pink” dhe “Happy” shpesh akuzohen për shfaqjen e anshmërisë pro-qeveritare.”, citohet në studimin e BIRN.
Shqetësimi është i njëjtë edhe për median e shkruar. Koordinatori i “Gazetarëve pa Kufij” Nafisa Hasan tha se hulumtimi ndihmoi në zbulimin e dobësive të sektorit mediatik të Serbisë, i cili është i dendur ekonomikisht dhe i prekshëm ndaj ndikimit politik.
(XH.A/SHUPLAKA)
Discussion about this post