Ambasadori hungarez, Lorant Balla ka vizituar sot Bashkinë e Korçës ku ka takuar dhe kryebashkiakun, Sotiraq Filo.
Pas takimit, i pyetur nga mediat për situatën politike në vend, ku deputetët e opozitës dogjën mandatet e deputetit duke futur në ngërç Parlamentin dhe jetën politike, Balla është përgjigjur se e kishte të pamundur të jepte një koment në lidhje me këtë çështje:
“Hungaria ka një qeveri e cila nuk ndërhyn në politikën e brendshme të vendeve të tjera“.
Takimi i Ballës në Korçë me strukturat e Bashkisë, vjen pas protestave të zhvilluara nga banorët dhe insistimeve të Kreut të Bashkisë, Filo kundër krijimit të TEC-it në këtë qytet, për shkak të rrezikshmërisë ambjentale që ai sjell.
Discussion about this post