S’ka lënë gjë pa thënë për LSI-në, Rama e la jashtë, ish-deputeti socialist i bashkohet Metës dhe Vasilit (FOTO)

Duket se të pakënaqurit nga listat e partive dhe të lënë jashtë po gjejnë mundësi që të shfaqen në parti të tjera.

E kështu pas Armando Prengës në Lezhë, një tjetër ish-socialist i bashkohet LSI-së. Është fjala për deputetin Vladimir Kosta.

Në një foto që po qarkullon në rrjetet sociale ai shihet në një takim të LSI-së në qytetin e Beratit, në të njëjtën ditë që në qytet kanë qenë dhe ish-kreu i LSI-së Ilir Meta dhe kreu aktual Petrit Vasili.

Për Kostën është paksa e çuditshme kjo lëvizje pasi kur ishte në Partinë Socialiste nuk i ka kursyer sulmet ndaj LSI-së. Apo ndoshta në politikë janë të gjitha të lejueshme.

E kështu gjatë katër viteve të shkuara Kosta ka akuzuar ashpër LSI-në për gjendjen e rrugëve, apo ka mbrojtur Tahirin në krye të Ministrisë së Brendshme sa herë që kishte ndonjë sulm nga LSI-ja.

(E.K/SHUPLAKA)