Gazetarja japoneze, e cila humbi jetën në Korrik të 2013-ës rezulton të ketë vdekur si pasojë e orëve të tepërta të punës.
Sipas hetimeve, Miwa Sado ka punuar 159 orë jashtë orarit të punës në vetëm një muaj dhe tre ditë dhe para se ajo të vdiste po merrej me fushatën elektorale në Tokio.
Gazetarja e politikës, 31-vjeçarja që pësoi atak në zemër ishte gazetare për transmetuesin publik NHK. Vdekja e gazetares pritet të rrisë presionin ndaj autoriteteve japoneze për të trajtuar rastet e vdekjeve për shkak të orëve të gjata të punëve, pasi ky nuk është rasti i vetëm raporton “The Guardian”.
Njoftimi vjen pas një viti, kur një vendim i ngjashëm lidhur me vdekjen e një punonjësi të ri në agjensinë e reklamave ”Dentsu” nxiti një debat kombëtar mbi qëndrimin e Japonisë ndaj balancës së punës dhe jetës si dhe thirrjeve për të kufizuar punën jashtë orarit.
Matsuri Takahashi ishte 24 vjeç kur vrau veten në prill të vitit 2015 për shkak të stresit të krijuar gjatë orëve të gjata të punës. Takahashi kishte punuar më shumë se 100 orë jashtë orarit të punës në muajt para vdekjes së saj. Javën para se të vdiste në Ditën e Krishtlindjeve 2015, ajo postoi në mediat sociale fjalët: “Dua të vdes.”.
(B.N/SHUPLAKA)
