Nuk ka më dyshime, Partia Socialiste e ka ndarë mendjen që mandati i keyprokurorit Adriatik Llalal përfundon tashmë. Madje ka edhe një datë sipas tyre që është 7 Dhjetori.
“Mandati i z.Llalla ka filluar në datën 7 dhjetor 2012, që do të thotë se referenca kohore është 7 dhjetor 2017. Kuvendi i Shqipërisë ka qenë shumë i vëmendshëm kur ka çuar reformën në 2016-ën për të mos krijuar probleme. Dhe ligji për Prokurorinë zgjidh çdo lloj hamendësimi për këtë çështje. KLP nuk është ngritur.
Në këtë moment, dy institucionet e Kuvendit, sekretari i përgjithshëm dhe institucioni që monitoron institucionet e pavarura, thotë kemi vakancë dhe vakanca për mua krijohet pas datës 7. Duke qenë se KLP nuk është konstituar, ligjvënësi ka parashikuar një Prokuror të përkohshëm”, kështu u shpreh dje kreu i Grupit Parlamentar të PS-së në ‘’Report Tv”.
Më tej Balla shton se është Kushtetuta ajo që përcakton se mandati i kryeprokurorit është 5-vjeçar.
“Është Kushtetuta e cila ka përcaktuar se mandati është 5-vjeçar. Ligjvënësi dhe ligjshkruesi në atë kohë ka qenë i kujdesshëm për të parashikuar edhe situatën e vakancën e Kryeprokurorit deri në konstituimin e KLP. KLP nuk është ngritur. Në këtë moment, dy institucionet e Kuvendit, sekretari i përgjithshëm dhe institucioni që monitoron institucionet e pavarura, thotë kemi vakancë dhe vakanca për mua krijohet pas datës 7. Duke qenë se KLP nuk është konstituar, ligjvënësi ka parashikuar një Prokuror të përkohshëm”, u shpreh më tej Balla.
Mbetet të presim edhe të shohim se cilat do të jenë lëvizjet e ardhshme, pasi opozita ka paralajmëruar se do të kundërshtojë zgjedhjen e një kryeprokurori të ri vetëm nga ana e mazhorancës.
(E.K/FAXWEB)
