Sot në orën 10:00 në selinë blu do të mblidhet Komisioni për Zgjedhjet në PD. Në fokus të këtij takimi është rregullorja e fushatës që do të ndiqet për kreun e ri të PD-së, zgjedhje që do të mbahen më 22 korrik.
Në këtë garë janë vetëm dy kandidatë Lulzim Basha përballë Eduard Selami. Sjellim në vëmendje që dje Astrit Patozi refuzoi të merrte pjesë në garë, që sipas tij ishte e kushtëzuar.
Kryesia e Partisë Demokratike votoi mbrëmjen e djeshme me asnjë votë kundër anëtarët e Komisionit të Votimit me rastin e zgjedhjeve brenda PD-së. Anëtarët janë: Tritan Shehu, Jemin Gjana, Enkelejd Alibeaj, Dhurata Çupi dhe Bardh Spahia. Në këtë komision do të kenë përfaqësuesit e tyre edhe dy kandidatët për kreun e PD-së. Basha ka zgjedhur Arben Ibron, ndërsa Selami ende nuk e ka bërë zgjedhjen e tij.
Theksojmë që gjatë mbledhjes së djeshme grupi anti-Basha paraqiti një kërkesë për ndryshimin e rendit të ditës, e cila u rrëzua.
“Kryesia të anulojë procedurën e nisur për kryetarin e PD. Procedura për kryetarin e PD është anti statutore. Kërkesa për rend dite të hidhet në votim të fshehtë. Kjo kërkesë mbështetet nga 1/6 e anëtarësisë”, deklarian grupi anti- Basha. (J.V/Shuplaka)
Discussion about this post