Kryetari i Komisionit të Sigurisë Kombëtare, Spartak Braho, ka hedhur dje dyshimet se një bankë e nivelit të dytë në Shqipëri pastron para, shkruan një portal online.
Braho ditën e djeshme ka pyetur dje drejtorin e Parandalimit të Pastrimit të Parave nëse ka nisur hetim për këtë çështje. Agim Ismaili, i komanduar në këtë detyrë, këtë pyetje as e ka pohuar dhe as e ka mohuar këtë fakt.
“Ka ndonjë hetim për ndonjë bankë që pastron paratë? Unë nuk do ta them sepse do të krijojmë zhurmë të madhe, por dyshoj që në një bankë bëhet pastrim i madh parash. Keni ndonjë denoncim ju, apo hetim?”, ka thënë dje Braho.
Ndërsa për drejtorin e DPPP-së iu përgjigj:
“Bankat, edhe pse kanë masa parandaluese, nga bankat na vijnë të gjitha rastet e dyshimta të pastrimit të parave. Nëse kemi hetim për banka që pastrojnë, edhe sikur të kemi, edhe sikur të mos kemi, as mund ta ndaj”. (J.V/Shuplaka)
