Policia e Shtetit ka identifikuar dhe ka shpallur në kërkim dy persona si autorë të dyshuar të grabitjes me dhunë në banesën e çiftit Laze në zonën e Alliasit në Tiranë.
Burime bëjnë me dije se një prej personave të shpallur në kërkim është fqinj me çiftit, ndërsa personi tjetër njihet me një nga punëtorët e furrës së Lazes.
Dyshohet se pikërisht një prej punëtorëve ka bërë dhe rolin e informatorit për autorët.
Mësohet se policia ka shkuar në shtëpinë e këtyre dy personave, dhe nuk i ka gjetur aty, ç’ka shton dyshimet se ata të kenë qenë të implikuar në ngjarje.
Për shkak se ngjarja është nën hetim e sipër, policia nuk jep detaje lidhur me identitetet e personave që janë shpallur në kërkim.
Pak ditë më parë vetë Afërdita Laze dha dëshminë e saj për ngjarjen.
“Ishim në dhomë. Dëgjuam një zhurmë dhe vajzën që bërtiti “kush është aty?”. Doli Petriti të shihte kur u ndesh në korridor me 2 veta të maskuar. Dukeshin të rinj. Ata bërtisnin vetëm “lekët, lekët” dhe i drejtuan pistoletën. Petriti tentoi ti nxirrje jashtë nga shtëpia dhe gjatë konfliktit fizik ata e qëlluan. Kur u afrova dhe mua më qelluan dhe ikën me vrap”, ka treguar Laze.
Çifti Laze ishin pronarë të dy furrave të bukës, në Allias dhe në zonën e Astirit në Tiranë, ndërkohë që katin e parë të banesës së tyre e kishin përshtatur si vend ku punoheshin brumërat. Pikërisht fakti që kati i parë ishte punishte ua ka bërë më të lehtë hyrjen në banesë të autorëve nga porta kryesore. (E.K/Faxweb.al)
Discussion about this post