Studenti i Akademisë së Sigurisë plagos 27-vjeçarin, përplasja në parkingun e hotelit në Sauk (Emri)

Një plagosje me armë zjarri ka ndodhur mëngjesin e sotëm në Tiranë.

Ngjarja ka ndodhur përballë Akademisë së Policisë në Sauk dhe dyshohet se shkak është bërë një konflikt për arsye banale i cili ka degraduar edhe në përdorimin e armëve.

Mësohet se autori i plagosjes është një student i Akademisë së Sigurisë, ndërsa i plagosur është 27-vjeçari Ervis Murati.

Ende nuk janë bërë të ditura motivet dhe rrethanat e ngjarjes ndërkohë mësohet se Policia ka ngritur postoblloqe të shumta për kapjen e autorit, identiteti i të cilit nuk bëhet ende i ditur nga ana e policisë.

Ndërkohë që i plagosuri Murataj ka marrë një plumb në bark, por fatmirësisht është jashtë rrezikut për jetën./Faxweb.al