Një bashkëshort jobesnik ka më shumë gjasa të tradhtojë me dikë që tashmë e njeh, një mik apo fqinj, ka gjetur hulumtimi mbi tradhtinë. “Njerëzit raportojnë se kanë lidhje jashtëmartesore me një person që e njohin mirë, si një mik, koleg ose fqinj”, vërejnë studiuesit.
Familjariteti që ata ndjejnë, por edhe mundësia që u jepet është një arsye. Tjetra, sipas shkencës, qëndron në faktin se ai që bën pabesi dëshiron të divorcohet, por ka frikë të mbetet vetëm. Sipas studimit, nga pjesëmarrësit, 21% e meshkujve dhe 13% e femrave kanë pranuar se kanë tradhtuar partnerin e tyre. Nga ata që tradhtuan, 82.9% e bënë atë me dikë që e njihnin tashmë, si për shembull një mik apo koleg të mirë.
Gjetjet specifike përforcojnë ato të hulumtimeve të mëparshme mbi tradhtinë, por ky studim ishte i pari që u fokusua në llojin e partnerëve jashtëmartesorë që njerëzit zgjedhin. Dhe ndërsa disponueshmëria, afërsia dhe lidhja emocionale lehtësuan krijimin e marrëdhënies së paligjshme, çiftet duhet të adresojnë shkaqet themelore që çuan në të.
“Pakënaqësia në marrëdhënien ‘serioze’ dhe zhgënjimi ishte arsyeja kryesore që çoi në tradhti”, thonë ekspertët. Autorët e studimit spekulojnë se njerëzit që tradhtojnë me një mik apo të njohur, kërkojnë një rrugëdalje nga marrëdhënia e tyre, por në të njëjtën kohë nuk duan të jenë vetëm.
“Kështu që ka kuptim që ata të zgjedhin njerëz që tashmë i njohin, pavarësisht nga problemet që mund të shkaktojnë. Këta njerëz ofrojnë sigurinë emocionale, intimitetin dhe butësinë që kërkon mashtruesi. Kjo do të thotë, ato pasqyrojnë nevojat e tij, prandaj ai bën këtë zgjedhje të veçantë. Përndryshe, ai thjesht mund të kënaqej me seks të rastësishëm me një person të panjohur ose dashuri të paguar”, përfundojnë ekspertët.
Discussion about this post