Luis Suarez do të nënshkruajë një kontratë të re me skuadrën e tij Barcelonën. Uruguajani do të jetë ylli tjetër i katalanasve që do të vazhdojë qëndrimin në Barcelonë.
29-vjeçari pritet të nënshkruajë kontratë deri në vitin 2022, para se të mbyllet viti 2016-të.
Lajmin e ka bërë të ditur presidenti i ekipit, Josep Bartomeu për “Radio Vision”.
“Suarez do të firmosë një kontratë të re. Presim të plotësojmë vetëm disa detaje të vogla për ta mbyllur me sukses. Në ditët në vazhdim do ta mbyllim dhe këtë pjesë”.
Ndër të tjera, kreu i Barçes shprehu dëshirën që Suarez të luajë sa më gjatë me ekipin katalanas.
“Duam që kontrata e tij të jetë sa më e gjatë, por për momentin do të jetë deri në 2022. Dëshirojmë që Suarez të luajë me Barcelonën për shumë vite. Por dhe se ai një ditë ikën, do të jetë gjithmonë i mirëpritur në Baarcelonë”.
