Detaje të reja kanë dalë lidhur me sulmin që u mori jetën 39 personave dhe plagosi 69 të tjerë, 16 prej tyre shtetas të huaj.
Ndërkohë që operacioni për kërkimin, kapjen dhe identifikimin e “babagjyshit” të videos vazhdon, flitet se është vrarë një tjetër agresor. Lajmi është bërë me dije nga agjencia e lajmeve “DHA”, e cila njofton se njëri nga agresorët është qëlluar për vdekje.
Forcat e policisë që ndodhen ende në vendngjarje kanë bllokuar zonën e klubit të natës “Reina” në Stamboll, ku ende po vijon hetimi.
Gjatë paradites, u publikua video ku shihet se si autori i sulmit të rëndë hyn në ambientet e brendshme të klubit, pak pasi ka qëlluar për vdekje efektivin e policisë. (XH.A/SHUPLAKA)
Discussion about this post