Policia greke ka publikuar për herë të parë pamjet e operacionit të zhvilluar ditën e djeshme në ujërat greke, ku dhe u shkëmbye dhe zjarr. Në operacion u zrratuan dy skafistët shqiptarë dhe një italian, ndërkohë që një tjetër gomone është në djegie.
Gomonia ishte nisur nga Shqipëria dhe e ngarkuar me drogë ka tentuar të futet në ujerat turke pasi kishte përshkruar gjithë hapesirën detare të Greqisë.
Operacioni ndodhi në Mitilini, ku morën pjesë 10 skafe të policisë greke, 1 avion i FRONTEX dhe 1 helikopter i policise greke.
Policia turke ka bllokuar futjen e gomones me 3 persona në ujrat e tyre. Gomonia është rikthyer në ujërat greke dhe tentoi ardhjen përsëri në Shqipëri. Snajperistet nga helikopteri kanë goditur disa herë, por gomonia vazhdon të lundrojë.
Sot mediat greke kanë zbuluar detaje të reja nga arrestimi i tre skafistëve, dy shqiptare dhe një italian, ditën e djeshme, gjatë një operacioni antidrogë të zhvilluar në mes të detit në Greqi, ku pati edhe shkëmbim zjarri.
Sipas “Protothema”, tre skafistet e arrestuar, dy shqiptare dhe një italian e mbajnë gojën të mbyllur. Të dhënat çojnë tek fakti që dy gomonet janë nisur nga jugu i Shqipërisë me destinacion Turqinë për të çuar hashash e marrë heroine. Heroina më pas do shpërndahej në Shqipëri, Greqi e Itali.
Tre skafistët, të cilët nuk thanë asnjë fjalë, dyshohet se kanë hedhur heroinën në det. Policia greke i dinte lëvizjet e dy gomoneve dhe priste që ato të ndalonin në Greqi, për të parë lidhjet e tyre dhe zbuluar trafikantët e tjereë.
Por plani ndryshoi pasi njëra prej gomoneve u pikas dhe u ndoq nga policia kufitare greke dhe aty u aktivizua një helikopter, snajperisti i së cilës qelloi mbi motorrin e gomones për ta ndaluar atë. Kërkimet vijojnë për gomonen e dytë.
(M.Q/Faxweb.al)
