Surpriza që përloti Blendi Fevziun: Po përpiqem të të ngjaj, idhulli im

Moderatori i famshëm Blendi Fevziu ishte i ftuar nga Arbana Osmani, dhe i bëri një surprizë shumë të bukur minatorit në emision direct.

Përtej kësaj, Blendi Fevziu mori edhe vetë një surprizë.

Në programin “Dua të të bëj të lumtur”, Fevziut i erdhi një letër nga vajza e tij Misheli.

Misheli i shprehu dashurinë dhe mirënjohjen babait të saj.

“Babi,

Unë nuk ta them ‘të dua shumë’ dhe zgjodha ta bëj në mënyrën më të bukur të mundshme, vendosa ta bëj publikisht pikërisht atëherë kur ti nuk e pret. Ti ke vendosur të surprizosh dikë, por me këtë rast, në një emision kushtuar familjes, mendova të të thosha se familja më e mirë në botë është e jona dhe kjo, falë teje.

Megjithëse jam pak e ndrojtur, megjithëse nuk ta kam thënë me zë të lartë, megjithëse duket sikur jam krejt e ftohtë: dua të të them se të dua shumë, shumë, shumë. Është e vështirë ta masësh dashurinë, por mbase të dua më shumë se sa më do ti mua.

Mua nuk më pëlqen të prezantohem si vajza jote, po jo sepse kam turp prej teje. Përkundrazi, unë jam krenare për ty, jam krenare se të kam baba, jam krenare sa herë njerëzit flasin për ty, sa herë të referohen, sa herë të kanë shembull.

Por pikërisht për këtë, unë dua të rritem e të ec vetë, siç ke ecur ti vetë.

Nuk dua të më hapen rrugët se jam vajza e Fevziut, dua të të bëj krenar që je babai im. Nuk kam dashur kurrë të të zhgënjej ndaj matem mirë para çdo hapi që hedh, e nëse dukem sikur nuk e kam mendjen fare tek ti, dije, se thjesht po përpiqem të të ngjaj.

Të dua babi, Ti je idhulli im,”- shkruante vajza e Fevziut ndër rreshta.

Më tej moderatori rrëfeu se sa i ngjashëm ishte me vajzën e tij,

Blendi ishte detyruar që në moshë të re t’i merrte vetë vendimet për jetën e tij. Ashtu siç instikti e kishte ndihmuar atë në marrjen e vendimeve, po i njëjti instikt, sipas Blendit, do të udhëhiqte dhe vajzën e tij.

(F.M/Faxweb)