Dashamir Tahiri deputeti për të cilin Prokuroria ka kërkuar ndërprerjen e mandatit, reagon sot nga Kuvendi në një konferencë për shtyp për gazetarët, duke shpjeguar versionin e tij të ngjarjeve.
”S’e shikoj të arsyeshme për të ndërprerë mandatin, s’kishte arsye për ta deklaruar”, deklaron Tahiri lidhur me dënimet që Prokuroria ka thënë se nuk janë deklaruar në formularin e Dekriminalizimit, duke e cilësuar një veprim për balancë politike. Dje bashkë me Tahirin, prokuroria kërkoi edhe ndërprerjen e funksionit për deputetin e LSI-së Shkëlqim Selami dhe kryebashkiakun e Kavajës Elvis Rroshi. Tahiri sot ka shpjeguar edhe çështjen e eurove false marrë në një bar në Itali, thënë nga ai ”si për kusur”. Njëkohësisht Tahiri tha se leja e drejtimit nuk ka qenë false, por si të gjithë shqiptarët është parë si ”dele e zezë”.
REAGIMI I PLOTË:
”Unë nuk e shikoj të arsyeshme për të ndërprerë mandatin, për arsye se jam dënuar në mungesë dhe kjo është një balancë politike, po më duket. Nuk është mungesë e vëmendjes, se nuk kishte arsye për ta deklaruar. Me të marrë njoftimin nga prokuroria, unë e deklarova, me të marrë njoftimin njoftova autoritetet.
Mora masa përkatëse në Itali ku pa dijeninë time, isha i papërfaqësuar. Sa i përket për atë tjetrën që thonë, për para false, kam qenë si vizitor në Itali atje kam qëndruar në një bar në autostradë dhe kam marrë lëng portokalli ku si për kusur më është kthyer 10 mijë lireta, sot 5 euro. Atje ka qenë policia, po nuk jam dënuar.
Menjëherë kam marrë të gjitha masat. Vendimi që ka marrë prokuroria më duket absurde se nuk ka asnjë lidhje me mua ligji i dekriminalizimit, se kjo nuk bën pjesë, nga 6 muaj në 2 vjet burg. Unë me t’u vënë në dijeni i njoftova organet kompetente.
Mua më ka ndodhur si shumë shqiptarë të tjerë, ka qenë viti 2004, ku shqiptarët shiheshin si dele e zeze, por patenta nuk ka qenë false. Atëherë jam njoftuar nga prokuroria, më thotë të ka dalë ky dënim, atëherë njoftova dhe po merrem me rrugën ligjore.
Unë sot jam deputet, përfaqësues i komunitet çam, gjithmonë te e djathta dhe bëj pjesë në grupin e PD. Kam qenë, jam dhe do të mbetem pjesë e PD.
Vetë kjo që mua më kanë përzier në këto balanca, tregon që janë të paqëna. Pse? Se Ligji i Dekriminalizimit nuk po merret me patenta, ka plot punë të tjera me të cilat të merrem.
Unë kam hyrë dhe dalë disa herë në Itali, i ftoj organet të shohin sistemin TIMS.
Unë nuk e shikoj të arsyesshme për të ndërprerë mandatin, për arsye se jam dënuar në mungesë dhe kjo është një balancë politike, po më duket. Nuk është mungesë e vëmendjes, se nuk kishte arsye për ta deklaruar. Me të marrë njoftimin nga prokuroria, unë e deklarova, me të marrë njoftimin njoftova autoritetet. (V.G/SHUPLAKA)
