Armët e paligjshme kanë filluar të dorëzohen nga qytetarët, të cilët i mbajnë në banesa dhe në vende te fshehta.
Ligji, i cili u miratua vitin që kaloi për dorëzimin vullnetar të armëve, i ka dhënë efektet e para sepse qytetarët kanë filluar t’u drejtohen komisariateve të policisë.
Ministri i Brendshëm, Sajmir Tahiri ka publikuar sot një video në rrjetet sociale nga dorëzimi i armëve që po bëhet në një fshat të Gjirokastrës. Ndërkohë që Tahiri, ka përfituar nga ky moment, për t’iu bërë thirrje të gjithë qytetarëve që të bindin familjarët dhe të afërmit e tyre për t’i dorëzuar sa më shpejt këto armë të paligjshme që ata mbajnë.
Ja çfarë shkruan Tahiri në Facebook: “Dje në fshatin Asim Zenel, Gjirokaster: Genci dhe Beshiri dorezuan vullnetarisht armët që mbanin prej vitesh ne shtepi. Bind familjaret, miqte e te njohurit e tu, te dorezojne menjehere armet. #shqiperiapaarme” (K.P/Shuplaka)
