Takim pas takimi, pas mbledhjes me aleatët, Basha kokë më kokë me Berishën

Takime të shpeshta janë duke u zhvilluar këtë paradite gjatë orëve të lëna në dispozicion për zgjidhjen e ngërçit politik.

Rreth dy orë më parë, kryetari i Partisë Demokratike mblodhi në selinë e PD-së aleatët parlamentarë dhe pas takimit me ta, ai është drejtuar tek ish-kryeministri Berisha për një takim me të.

Paralel me këtë takim, një tjetër takim është duke u zhvilluar në Kryeministri, mes kreut të Qeverisë, Edi Rama dhe ambasadorit të SHBA-ve, Donald Lu.

Negociatat për zgjidhjen e krizës pritet që të vazhdojnë edhe gjatë pasdites.

(XH.A/SHUPLAKA)