Takimi i ministrave të jashtëm, Ben Andoni: Ministeriali ka gjetur momentin për të shtjelluar dhe problematikën e Kosovës

Sot në Tiranë u zhvillua ministeriali i ministrave të Jashtëm për Procesit të Berlinit, takim ky që i paraprin samitit të Procesit të Berlinit më 16 tetor në kryeqytetin shqiptar.

Takimi u drejtua nga ministri për Evropën dhe Punët e Jashtme, Igli Hasani. Në morën pjesë Komisioneri për Zgjerimin i KE, Oliver Varhelyi, Përfaqësuesja e EAS, Angelina Eichhorst; ministrat e Jashtëm të Kosovës, Malit të Zi, Maqedonisë së Veriut, Serbisë dhe Bosnjë Hercegovinës si dhe të vendeve anëtare të Procesit të Berlinit si Gjermania, Austria, Greqia, Hungaria e të tjerë. Pjesë e Procesit të Berlinit janë edhe RÇ dhe RYCO.

I ftuar në një intervistë në FaxNews ka qenë analisti Ben Andoni, për të diskutuar për këtë takim edhe më tepër.

I pyetur nga gazetari Egon Loli, analisti shprehet se qasja për integrimin e vendeve të Ballkanit Perëndimor ka ndryshuar që fjalimi i Presidentit të Këshillit Europian, i cili theksoi rëndësinë që ka integrimi i përshpejtuar i këtyre vendeve ku bën pjesë dhe Shqipëria.

Megjithatë, për Procesin e Berlinit, Andoni, tregon se ka ngecur, kjo që pas largimit të Merkelit që kishte dhe iniciativën për këtë projekt. Një faktor i përbashkët që është duke penalizuar vendet e Bllkanit Perëndimor, është Serbia thotë analisti, ku përveç situatës në Kosovë, ka dhe Republikën Srpska në Bosnjë e cila ndalon vizat mes vendeve tona.

Pyetje: Çfarë domethënie ka për ju takimi i ministrave të jashtëm Procesit të Berlinit?

Ben Andoni: Është përgatitja reale për Samitin e vendeve të BE-së me pjesën e vendeve të Ballkanit Perëndimor. Ministeriali i sotëm ka gjetur momentin për të shtjelluar dhe problematikën e Kosovës. Që mbas deklaratës së zotit Mishel, për të dhënë një afat të ri me integrimin, duket që ka ndryshuar deri diku narrativa dhe ka treguar një lloj horizonti se kur mund të presim.

Kuptohet që Serbia me Malin e Zi janë para nesh. Ato kanë vite që punojnë dhe zor se kanë mbyllur tre kapituj. Shqipëria dhe Maqedonia e Veriut nuk ka mundur ende, Bosnja sapo e ka filluar, ndërsa Kosova është në procedura. Procesi i Berlinit që pas ikjes së Merkelit ka pasur një ngecje. Një impakt të madh pati kur u përgatit plani franko-gjerman për dialogun Kosovë-Serbi dhe që atëherë është marrë me rishikimin e projekteve. Sot, duket një proces gati i fjetur.

Gjermanisë i duhet ta riaktivizojë edhe për të vendosur një pozicion të ri të Gjermanisë për interesat e tyre. Pesha kryesore në Evropë këto ditë ka qenë në Granada, në samitin jozyrtar të kryeministrave, atje problemi më i madh që po diskutohet është migrimi. Procesi i Berlinit në Ballkan ka ndaluar për sa i përket debatit aspak konstruktiv mes Kosovës dhe Serbisë, ku pesha e fajit duket në pjesën serbe dhe nga ana tjetër faktori serb në Bosnjë. Republika Srpska ka bllokuar një nga faktorët kryesor të procesit. Vendet tona në një afat që ka kaluar duhet të lëviznin pa viza. Vetoja që vendos Republika Srpska bën që vendimi për vizat të mos funksionojë.