Një taksist ka përfunduar prapa hekurave pasi përveçse punonte pa licensë, tentoi t’I jepte ryshfet punonjësit të policisë.
Ferdinand Hoxha nga Durrësi u kap në flagrancë nga bardhë e blutë, teksa udhëtonte me fugonin e tij në aksin Gjirokastër Tepelenë.
“Sot rreth orës 10:45 në Rrugen nacionale Gjirokastër-Tepelenë, në vendin e quajtur “Kryqëzimi Mashkullorë” është ndaluar nga Patrulla e Policisë Rrugore Gjirokastër për kontrollin e dokumentacionit të mjetit, ky shtetas duke drejtuar mjetin e tij furgon, i ka dhënë një prerje 500 lekë punonjësit të policisë rrugore për të mos vazhduar procedurat administrative ndaj tij.(Shtetasi i mësipërm nuk ka liçencë për TAXI, në momentin e ndalimit nga punonjësi i policisë, transportonte pasagjerë me mjetin e tij). Materialet i kaluan Prokurorisë së Rrethit Gjyqësor Gjirokastër për veprime të mëtejshme.”, thuhet në njoftimin e policisë. (D.D/Shuplaka)
